“Vergewe my, Here, as ek haar te lief het, te lief het om haar te laat gaan.”
6 Mei 2016 – Klasie van Heerden
Een van ons eie!
Een van ons eie manne Klasie van Heerden is aan die woord. Hy en sy vrou Ida het hulle permanent in Thailand as sendelinge gaan vestig. Klasie het laasjaar in April met ons gedeel en kom gee terugvoer oor wat intussen met hom en Ida gebeur het en hoe die Here hulle in sy hande toevou.
29 Apr 2016 – Hercules Stander
Leef en deel geloofsekerheid…..
Hy het in die GEM sending grootgeword op Nongoma en Dingaanstat, Zululand. Sy pa het op Dingaanstat ‘n kerk, ‘n plaas, ‘n skool, ‘n evangelisteskool en ‘n weeshuis gevestig. Die Standerkinders moes vakansies inval by al die arbeid wat nodig was.
Hy het by Bantoe-onderwys begin werk en later as werkstudiebeampte. Hy was een van die vyf rekenaar programmeerders van die eerste programmeringspan van die Staatsdienskommissie in 1965. Hy trou meer as 50 jaar gelede met Hanli en hul vestig in PTA waar hy al vroeg met sy sending bediening begin deur Sondae kerk by die tronk te hou. Na hul aftrede in Durbanville raak hy deel van die plaasbediening op Welgegund.
Hercules is baie musikaal en het al verskeie liedere geskryf (musiek en liriek) in sy lofprysing tot God. Hy is sewe jaar gelede met miëloma (onbeheersde plasma vermeerdering) gediagnoseer. Ten spyte van skadu oor sy kop en impak van voortdurende chemo, gaan hy nie net voort met plaasdienste, maar skep ‘n volledige aanlyn weergawe van ons belydenisskrifte – met gekoppelde (teks)verwysing, sing bas in die Conspiritus koor en begin ‘n Bergsig omgeegroep vir kankerlyers. Twee weke gelede ontvang hy ‘n pasaangeër.
Hercules is nie net ‘n vriend wat jy graag wil hê, hy is ‘n ware dissipel van Jesus. Hy leef en deel geloofsekerheid.
22 Apr 2016 – Gert Korah
Gert Korah en sy vrou Evelyn is die uitvoerende leierspaar van Jeria Sending. Jeria Sending is ‘n interkerklike geloofsaksie wat hom ten doel stel om geestelike sowel as opheffingswerk onder die plaaswerkers, kinders en jeug van die Swartland en Weskus omgewing te doen.
Gert is gebore en het groot geword op die plaas Klipfontein waar Jeria Sending geleë is. Reeds as jong seun het hy die Here aangeneem en het hy ‘n baie ernstige pad met die Here begin loop. Evelyn het in Uitenhage groot geword.
Hulle gaan praat oor hoe die Here hulle geroep het en voorberei het. Hy gaan ook meer vertel van wat hulle nou doen.
15 Apr 2016 – Gary Kieswetter
Gary is die hoof-pastoor by Die Bron (Die Barnyard) gemeente. Hy het al by 2 of 3 vorige geleenthede by TGIF kom optree het. Moet nie die een misloop nie!!
Website: https://www.grootisutrou.co.za/
Facebook: https://www.facebook.com/Gary.Kieswetter/?fref=ts
EPos: http://eepurl.com/bXnUDP
8 Apr 2016 – Rohann Cronje
Sy paadjie het op 14 met drank begin, ‘n groot verskeidenheid van ervarings en probleme het gevolg, en tot op so ‘n punt gevorder dat hy deur ‘n bende genader is. Hy het vier naby dood ervarings in my kort lewe gehad, maar deur genade is Hy gespaar. Hy weet God het hom gered. Hy glo dat hy ‘n roeping het om, deur sport, met die Jeug te werk.
Sy praatjie sal gaan oor kompromieë… en biki meer…
1 Apr 2016 – Gerald Lausche
Beleef saam die wonders van wat die Here doen.
‘n Gesoute Duitse sendeling in Noord Afrika wat onder die Nubiane werk en aan die hoof staan van ‘n sending hospitaal in een van die stede. Beleef saam die wonders van wat die Here doen onder een van die mees onbereikste groepe in die wêreld.
18 Mrt 2016 – Andre en Marina Olivier
“Die Here gebruik gewone mense”
Andre en Marina Olivier is twee passievolle navolgers van Jesus. Hulle het gebeds uitreike na Thailand begin doen in 2012 en Julie 2013 het die roeping gekry om voltyds in Thailand, spesifiek in die Sisaket provinsie, te gaan sending werk doen. Hulle het Frontida Outreach (Frontida is Grieks vir “omgee”) begin en dra voltyds in Thailand die Woord uit aan die Thai-mense wat nog nooit van Christus gehoor het nie. Hulle woon in Kanthararom.
Hulle kom uit ons eie geledere en kom deel met ons wat hulle die afgelope twee jaar beleef het. Kom luister na hoe God gewone mense soos ek en jy gebruik om Sy groot opdrag uit te voer.
11 Mrt 2016 – Braam Grobbelaar
“Ek is lief vir die Here en wil ek graag in alle nederigheid n verskil maak in mense se lewens”
Braam was eers in die Suid –Afrikaanse Polisie en het ook by die destydse Bantoe Administrasie gewerk. Hy het as 25 jarige jongman ‘n beslissing vir die Here gemaak het en het vir die Here gevra om hom te wys hoe hy voltyds in Sy diens kan wees. Dit was 42 jaar gelede.
Ses jaar later Okt 1978 het hy by Radiokansel begin werk as bemarker. Hy was later streek bestuurder vir die Wes Transvaal, Vrystaat, Noordkaap en die Wesrand gewees hy was 16 jaar indiens van Radiokansel gewees . In Februarie 1994 het hy ‘n virus op die brein gekry en vir drie jaar was hy ongeskik vir werk gewees tot Oktober 1994. In Okt 1997 Okt het hy begin werk as Bemarker by Bybel-Media vir die Noordelik Provinsies te Pretoria. In 2008 is hy die pos aangebied in Moreletapark NG Gemeente as fasiliteerder Daniel Manne Konferensies en het hy 1 Maart 2009 begin.
Hy het in 2007 diploma in Teologie behaal by Tukkies. Na sewe jaar het hulle 210 Daniel konferensies aangebied en het bykans 26000 manne dit bygewoon.
Braam se motto in die lewe is dat Hy lief is vir die Here en wil graag in alle nederigheid ‘n verskil maak in mense se lewens.
4 Mrt 2016 – Dr Schalk Burger
“Waar die Gees van die HERE is, daar is vrede en guns.”
8000 km en 8 lande en 8 manne saam om voertuie te skenk vir die Koninkryk! Wes-Afrika word nie sommer met kaalhande aangepak nie, maar waar die Gees van die HERE is, daar is vrede en guns!
Hier in Suidelike Afrika het ek soms al skaam gevoel om die naam van Jesus te noem, dit was tot ons in ‘n land gekom het waar jy dit nie mag noem nie.