Visie vir strome van lewende water
Eerskomende Vrydag is Henry Jackson aan die beurt. Henry was ‘n boer in Gweru in Zimbabwe wat gebid het vir die mense wat sy plaas af geneem het. Henry het ‘n profetiese bediening waarmee God se hoop bring aan die eensames, mense wat verwerp is deur die gemeenskap of mense wat geen hoop meer het nie. Hy was al voorheen by TGIF en het ook in 2014 ons TGIF kamp behartig.
Henry kom ons opdateer met waarmee hy nou besig is.
22 Apr 2016 – Gert Korah
Gert Korah en sy vrou Evelyn is die uitvoerende leierspaar van Jeria Sending. Jeria Sending is ‘n interkerklike geloofsaksie wat hom ten doel stel om geestelike sowel as opheffingswerk onder die plaaswerkers, kinders en jeug van die Swartland en Weskus omgewing te doen.
Gert is gebore en het groot geword op die plaas Klipfontein waar Jeria Sending geleë is. Reeds as jong seun het hy die Here aangeneem en het hy ‘n baie ernstige pad met die Here begin loop. Evelyn het in Uitenhage groot geword.
Hulle gaan praat oor hoe die Here hulle geroep het en voorberei het. Hy gaan ook meer vertel van wat hulle nou doen.
15 Apr 2016 – Gary Kieswetter
Gary is die hoof-pastoor by Die Bron (Die Barnyard) gemeente. Hy het al by 2 of 3 vorige geleenthede by TGIF kom optree het. Moet nie die een misloop nie!!
Website: https://www.grootisutrou.co.za/
Facebook: https://www.facebook.com/Gary.Kieswetter/?fref=ts
EPos: http://eepurl.com/bXnUDP
18 Mrt 2016 – Andre en Marina Olivier
“Die Here gebruik gewone mense”
Andre en Marina Olivier is twee passievolle navolgers van Jesus. Hulle het gebeds uitreike na Thailand begin doen in 2012 en Julie 2013 het die roeping gekry om voltyds in Thailand, spesifiek in die Sisaket provinsie, te gaan sending werk doen. Hulle het Frontida Outreach (Frontida is Grieks vir “omgee”) begin en dra voltyds in Thailand die Woord uit aan die Thai-mense wat nog nooit van Christus gehoor het nie. Hulle woon in Kanthararom.
Hulle kom uit ons eie geledere en kom deel met ons wat hulle die afgelope twee jaar beleef het. Kom luister na hoe God gewone mense soos ek en jy gebruik om Sy groot opdrag uit te voer.
11 Mrt 2016 – Braam Grobbelaar
“Ek is lief vir die Here en wil ek graag in alle nederigheid n verskil maak in mense se lewens”
Braam was eers in die Suid –Afrikaanse Polisie en het ook by die destydse Bantoe Administrasie gewerk. Hy het as 25 jarige jongman ‘n beslissing vir die Here gemaak het en het vir die Here gevra om hom te wys hoe hy voltyds in Sy diens kan wees. Dit was 42 jaar gelede.
Ses jaar later Okt 1978 het hy by Radiokansel begin werk as bemarker. Hy was later streek bestuurder vir die Wes Transvaal, Vrystaat, Noordkaap en die Wesrand gewees hy was 16 jaar indiens van Radiokansel gewees . In Februarie 1994 het hy ‘n virus op die brein gekry en vir drie jaar was hy ongeskik vir werk gewees tot Oktober 1994. In Okt 1997 Okt het hy begin werk as Bemarker by Bybel-Media vir die Noordelik Provinsies te Pretoria. In 2008 is hy die pos aangebied in Moreletapark NG Gemeente as fasiliteerder Daniel Manne Konferensies en het hy 1 Maart 2009 begin.
Hy het in 2007 diploma in Teologie behaal by Tukkies. Na sewe jaar het hulle 210 Daniel konferensies aangebied en het bykans 26000 manne dit bygewoon.
Braam se motto in die lewe is dat Hy lief is vir die Here en wil graag in alle nederigheid ‘n verskil maak in mense se lewens.
22 Jan 2016 – van Heerden Herman
Eerskomende Vrydag luister ons na van Heerden Herman se ondervinding dat die Here ‘n werklikheid is.
Van Heerden het voor 2000 gestudeer, diensplig gedoen en in die Menslike Hulpbronne veld werksaam gewees. Einde van die 90’s het daar ‘n aantal drastiese dinge in sy lewe gebeur. Sedert 2000 is hy permanent in voltydse bediening tot vandag toe, hoofsaaklik onder plaaswerkers in die Wes-Kaap, sendingbetrokkenheid in buurlande, gebedsmobilisering en die mentor en leiding gee van jong gelowiges.
Kom luister na van Heerden Herman se ondervinding dat die Here ‘n werklikheid is.
Baie dankie vir julle gebede laas Vrydag vir die droogte. Ons wil julle graag nooi om aksie by ons gebede van verlede Vrydag te sit en julle nooi om water te bring, gebottel en kraanwater. Ons vra dat julle dit Vrydagoggend bring of julle kan dit ook deur die week by kerk aflaai.
13 Nov 2015 – Marius Heyns
Eerskomende Vrydag is Marius Heyns aan die beurt.
My getuienis is die verhaal van ‘n God wat nie opgee op jou of jou in die steek laat nie.
My verhaal begin waar God ingryp en my lewe bonatuurlik spaar na ‘n ernstige fiets-ongeluk. Nadat ek die besluit geneem het om Jesus te volg, begin my lewe die patroon van ‘n hedendaagse Jona aanneem:
Ek hardloop weg van Sy roeping vir my… Toe ek wel die geleentheid aangryp om Sy roeping te volg, misluk ek in my poging (vanuit my perspektief). God moes kom ingryp in my – en dis waarmee Hy tans besig is met my…
18 Sep 2015 – Gawie Malan
Eerskomende Vrydag is Gawie Malan aan die beurt. Gaan loer gerus waaroor sy ministry gaan. Dit beloof om ’n besondere oggend te wees. http://www.jacobswell.co.za/
Jacob’s Well, an interdenominational ministry in South Africa, was initiated in 2003 (after the famous SACLA conference) to support people who find themselves “between jobs” or unemployed. We often hear of people who cannot find a job, or have been retrenched, or have lost their jobs. So little is done for those people. We as congregations and churches can no longer look the other way. Obviously this is a very intricate problem to try and resolve, as jobs do not grow on trees. Yet, there is hope when sympathetic hands start to get organized. A group of people got inspired and came up with a plan to establish such a network:
Jacob’s Well!
4 Sep 2015 – Akel Abou Nasr van Damascus
Eerskomende Vrydag is Akel Abou Nasr van Damascus aan die beurt.
In sy eie woorde, “I am going to share about my old life and the family, our country. the war in Syria and how God led me out of there. Also my time here in SA and the way God got me to be involved in ministry. the situation of the refugees and the visions God put on my heart.”
24 Jul 2015 – Henry Jackson
TODAY GOD IS FIRST
Eerskomende Vrydag is Henry Jackson aan die beurt.
Henry is alombekend by die manne en het ook verlede jaar die TGIF kamp vir ons behartig. Ons sien baie uit na wat Vader via Henry met ons wil deel.
Volgende week:
Is Erna de Bod aan die beurt.
Toekomstige Sprekers
Indien julle bewus is van iemand wat ’n persoonlike getuienis het om te deel, kontak asb. vir Leon of Oswald om reëlings te tref.
Gebed en beradingskontak:
Ons wil baie graag nog manne nooi om betrokke te raak en te help met gebed vir mekaar. Kontak gerus vir Oswald hieroor.
Ons bid ook elke Vrydag saam met die spreker, kom gesels met Oswald as jy deel van die span wil wees.
Lourens: 082 339 7728
Oswald : 079 108 9697