Wat beteken dit as die profeet Jesaja in Jes 55:11 sê ?
So sal die woord wat uit my mond kom, ook wees: dit sal nie onverrigter sake na My toe terugkeer nie, maar dit sal doen wat Ek gedoen wil hê en tot stand bring waarvoor Ek dit gestuur het.
Louis Blignaut deel met ons eerskomende Vydagoggend ‘n aantal getuienisse oor hoe waar God se belofte is, en hoe die Here die “Gideons Internasionaal” hiervoor gebruik.
Kom luister hoe die Bybel mense se lewens verander het !
Die Here is baie groter as al ons pogings !!
4 Augustus 2017 – Aubrey Terblanche (Gideon Milling)
“Ek dink om myself te beskryf is om te se dat ek n sondaar is, wat gered is deur baie genade. My fokus is daarop dat hierdie lewe net n pelgrimstog is en alles gaan oor die koninkryk!!
Deur op God se woord te vertrou het ek n vlieënier geword met swak wiskunde punte en dit het tot die volgende stap gelei deur ‘n besigheid te begin wat as n platform moet dien van regverdigheid en integriteit in die landbou en kosbedryf.”
Without faith you cannot please God….
28 Julie 2017 – David Malherbe
-
Die Here het vir Abraham, Moses, Paulus en vele ander in die Bybel geroep vir sy dienswerk.
- Maar wat van vandag? Roep die Here ons ook elkeen vir wat ons moet doen en hoe doen hy dit?
- Kom hoor David Malherbe se belewenis van die Here se roeping en wat die Bybel ons daaroor leer.
David is ‘n besigheids- en loopbaan konsultant en skrywer.
Hy het vir drie jaar ‘n weeklikse rubriek “Jy die Entrepreneur” vir ‘n plaaslike koerant behartig en skryf die afgelope 2½ jaar maandeliks oor “Christenskap in die Werkplek” in die JUIG Tydskrif.
Sy webblad is www.jedidiah.org.za
21 Julie 2017 – Johan Pretorius
Hierdie Vrydag gesels Johan Pretorius. Johan is van Qatar en die broer van Coenie, een van ons eie TGIF boetas. Johan gaan sy eie storie vertel. Johan se “my storie gaan nie oor hoe ek bekeer het nie, maar wat daarna gebeur het. Ek weet een dink God het ‘n plan. Wat die plan is weet ek nog nie maar daar is ‘n plan!”
14 Julie 2017 – Johnny Louw
Hierdie Vrydag kom gesels Johnny Louw met ons. Johnny is ‘n ou bekende by Mighty Men en het al voorheen by TGIF getuig.
7 Julie 2017 – Conrad Hoffmann
Conrad (oud Stormer skrumskakel) kom vir ons vertel van sy lewe na rugby. ‘n Nuwe lewe deur genade. Volgens Conrad sal “dit letterlik net my getuienis wees oor hoe my lewe verander het deur die gees van God”.
30 Junie 2017 – Jaco Lubbe
Jaco se getuienis gaan oor Knysna en God wat in beheer is. Hy praat oor hoe God vir hulle as gesin gewys het dat Hy in beheer van hulle lewens is, ook toe dinge swaar geraak het.
23 Junie 2017 – George Gordon
George is ‘n wedergebore kind van God en was afgelope 9 jaar die Bestuurder van Alta du Toit Nasorg in Boston, ‘n sentrum vir volwaasenes met intellektuele gestremdheid.
Op 06 April vanjaar het George ‘n beroerte-aanval in sy slaap gehad, en was as gevolg daarvan aan die regterkant van sy liggaam verlam. “Die Here was wonderbaarlik goed vir my, en ek het tot so ‘n mate herstel, dat ek op 05 Mei (na slegs een maand) uit die hospitaal na my motor kon loop. Intussen het ek tot so ‘n mate herstel, dat ek weer my eie handrat-motor kan bestuur.”
George kom gesels oor die Here se goedheid en genade maar veral oor God se liefde vir ons.
9 Junie 2017 – Salo Cloete
2 Junie 2017 – Leon du Toit
Hierdie Vrydag gesels Leon du Toit met ons. Leon is ‘n gereelde besoeker aan TGIF en was in November 2016 by ons. Sy getuienis kan hier gehoor word.