TGIF Durbanville
My getuienis is bloot uit verering aan my Vader.
Ek wil ʼn opsomming van my lewe gee in kort wat my jag ongeluk bietjie inkleur, dan die draai wat ek in die wêreld gaan stap het tot by my her-inkeer tot God. Maar die punch line, wat Vader gesê het ek moet deel, handel oor hoe HY my lewe en finansies kom herstel het toe ek gehoorsaam was aan Sy opdragte.
Ek glo Vader wil ʼn goue sleutel met julle deel sodat volkome herstel kan plaasvind binne in Sy Liggaam.
Kom luister na Dewald Gouws. Dewald is deel van “Die Manne wat Glo” sanggroep. Hierdie groep het ontstaan uit die behoefte van vier gospel-sangers, Dewald Gouws, Jan de Wet, Willie Joubert en Leon Ferreira, om die oorweldigende herlewing van Christene regoor Suid-Afrika deur musiek aan te spreek.
Dewald se hartsbegeerte is om deur sy musiek ‘n ontvanklikheid in mense se harte te skep sodat die Gees van God die nodige geestelike oortuiging kan doen.
Dewald bring sy orkes saam. Ons gaan in die ouditorium wees en dames is ook welkom.
Vrydag is Jacques Malan weer by ons. Jacques was in 2016 by ons en het ook onlangs ons mannekamp gelei.
Jacques se hart is dat mense meer van Jesus moet weet en Hom waarlik sal ken. Profetiese woord wat God deur hom gespreek het, het reeds kragtig manifesteer tot God se eer en glorie.
Jacques kom gesels met ons oor die gebeure van laasweek en die krag van die Heilige Gees.
Dit beloof om ‘n baie vervullende oggend te wees.
Derrick Randall het nog altyd die Here geken, maar in sy wildste drome sou hy nooit kon voorsien wat met hom sou gebeur nie!!!
“Ek het na Maleisië gereis vir besigheid, ‘n tas, wat soos myne gelyk het, van die meganiese bagasie rol afgehaal, net om die volgende oomblik ge-arresteer te word, nadat verbode dwelms in die tas gevind is——“.
Kom luister na hierdie “journey” van ‘n man wat meer as 6 jaar van sy lewe op “Death Row” was en hoe die Here hom kom red het!!!
Eerskomende Vrydag is Akel Abou Nasr van Damascus aan die beurt. Akel was al voorheen by ons en sy getuienis is hier beskikbaar.
