Author: DurbanvilleTGIF

Outydse film fotografie stem baie ooreen met hoe die lewe is.  Ernst was ‘n professionele trou fotograaf en troues speel ‘n baie belangrike rol in die Bybel ook, die eerste wonderwerk was by ‘n troue gedoen.

Muhammed, wat in Augustus by ons getuig het, kom hierdie Vrydag verder getuig van sy bekering van Moslem na Christen.

Vrydag se gesprek fokus op hoe ons, as gelowige mans, geroep is om in die gaping te staan – om die plekke van leemte te vul waar kinders sonder die mentorskap van hul eie vaders grootword. Ons het die voorreg en verantwoordelikheid om God op aarde te verteenwoordig deur liefde, leiding en konsekwente teenwoordigheid aan hulle te bied.

Deur by die Durbanville Kinderhuis betrokke te raak, soos ons reeds suksesvol doen by Huis Andrew Murray en Huis van Heerde, kan ons stabiliteit en identiteit help vestig in hierdie kinders se lewens. Ons sal praat oor die krag van mentorskap en die belangrikheid daarvan om die ketting van gebroke gesinne en vaderlose lewens te breek – sodat hierdie kinders ’n nuwe toekoms van hoop en geloof in Jesus kan beleef.

“Ek het met vuur gespeel en dit het my hele lewe verwoes. Ek het alles verloor waarvoor ek my hele lewe lank gewerk het en omtrent almal vir wie ek lief was het hulle rûe op my gedraai.

Na 13 jaar is dit nog steeds ‘n baie bitter pil vir my om te sluk, maar somtyds neem dit die bitterste van pille om jou op jou knieë te kry. En dit is eers wanneer jy met niks en niemand op jou knieë voor die Here staan wanneer jy tot die besef kom dat mense en besittings wonderlike gawes van bo is, maar geheel en totaal onbevoeg is om jou siel te red…”

Na 18 jaar 6 maande in die tronk het ek die waarde besef van Jer.29:11 se “Ek weet wat ek van jou beplan”. As die lewe druk en wonder of God jou stem hoor, is my getuienis net vir jou bedoel. Ek het geleer hoe om in die moeilikste omstandighede God denkbaar te loof – jy kan ook as jou oë op Hom gerig is.

Mag die son stilstaan as jy bid!

My storie gaan oor 3 goed:

• Self-vergifnis, wat vir ons as mans moeilik is. En ons almal gaan op n stadium deur moeilike tye. Maar wat dit verg is hoe om  moed te hou, op te staan en aan te gaan (“resilience”). En hoe ongelooflik God is.
• Self-aanvaarding (“self-worth”), waar alles begin.
• En die laaste deel oor geslagsgeweld, in intieme verhoudings, maar waar mans die slagoffers is. Daar is n wan-persepsie, dat slegs mans die oortreders is, maar die voorkomsyfer is gelyk. Maw baie mans besef nie wat hulle aan bloot gestel word en beleef nie.

Binne dit alles en in ons ervarings-wereld bly daar ‘n ongelooflike teenwoordige God.

TGIF 270924 Revised          IPV Karl Bremer 070624

God was deur my hele lewe saam met my, selfs toe ek Hom nie aktief gesoek het nie. Sy hand het my gelei, van die oomblik dat ek gekies is as een van 17 gholfspelers in die eerste gholfakademie in Suid-Afrika—ten spyte daarvan dat die inskrywings reeds gefinaliseer was—tot my verhuising waar ek in ‘n kamer gewoon het met dieselfde straatnaam en huisnommer as dié waarin ek grootgeword het. Hy het my verbind met mentors en rolmodelle, my geseën met ‘n verstand wat my gelei het om die Hoof van Kenmerk-analise by Old Mutual te word, sonder formele grade of sertifikate. Ten spyte van my persoonlike mislukkings—twee egskeidings, ‘n kind wat ek nie sien nie, en ‘n onsuksesvolle gholfloopbaan—het God my gemors geneem en dit omskep in ‘n meesterstuk, ‘n weerspieëling van Sy heerlikheid. Deur dit alles was Sy soewereine mag die anker van my lewe.