18 September 2020 – Warren Holland

From policeman to pastor!

Warren is a former police officer and nature conservationist. After studying theology, he served as director of a Christian children’s home and then as a children’s pastor.

Warren is married to Sungmin. They homeschool their three energetic boys – Noah, Jadon and Jesse.

He loves spending time with children and sharing Jesus with them. Warren and his family are soon to embark on an extraordinary mission. Come and be encouraged by hearing of the power of the Gospel of the Kingdom! Taking a man from policeman to pastor!

11 September 2020 – Angelo Davids

Van Klipheuwel na die World Sevens Series in Hong Kong en Singapoer

Angelo Davids het in 2019 sy debuut vir die Blitzbokke gemaak en die seisoen geëindig as die top drie drukker. Hy het ook die Junior Bokkies verteenwoordig by die o/20 wêreldbeker in 2019.

Kom luister na hierdie jong man se getuienis van hoe hy van Klipheuwel buite Durbanville gegaan het na die World Sevens Series in Hong Kong en Singapoer.

4 September 2020 – Ons begin weer by Bergsig!

Weer by Bergsig

Ons is baie dankbaar dat ons Vrydag oggend 05h45 DV weer kan bymekaar kom.  Kom luister hoe ‘n paar manne hulle ondervindinge en getuienis lewer oor hoe hulle die afgelope paar maande ervaar het en wat hulle geloof vir hulle beteken het in die tyd.

Ons kom in die ouditorium bymekaar en ongelukkig sal daar geen koffie en verversings wees nie.  All Covid reëls sal toegepas word.

6 Maart 2020 – Louis Blignaut

Leiding van die Heilige Gees

Hierdie Vrydag kom gesels getuig een van ons eie boetas, Louis Blignaut, oor die leiding van die Heilige Gees en sy persoonlike ervaring:

–  Hoe hoor ons die stem van die Heilige Gees ?
–  Die verskillende stemme
–  Gehoorsaamheid aan die Heilige Gees en die gevolge daarvan

28 Februarie 2020 – Pieter Pienaar

Hy lei my na die waters van rus

Toe ek my diensplig in die Polisie einde 1989 voltooi was ek redelik ontnugterd gewees met die lewe en die politieke situasie in die land. Ek gaan studeer toe en raak betrokke by ‘n meer linkse, “verligte” groep. Maar intussentyd raak my lewe net meer deurmekaar met meer vrae as antwoorde en ‘n kerk wat wat self deur interne struwelinge gaan en nie meer leiding kan gee nie.

In 1993 sien God my soeke en Hy lei my na die waters van rus en my hele lewe en wereld visie ondergaan ‘n radikale verandering. In 1995 gee Hy vir my ‘n vrou (ek het nie gesoek nie en het dit selfs teengestaan) en in 2001 raak ek op ‘n meer voltydse basis betrokke by ‘n sending organisasie. In 2005 “beland” ek in ‘n nuwe beroep, terwyl ek steeds betrokke is by die sending organisasie.  Vandag bestuur ek my eie onderneming terwyl ek nog steeds by die Sending betrokke is en woon saam met my vrou en 5 kinders.

31 Januarie 2020 – Gerhard van der Westhuizen

Mannekonferensie

DAAR KOM ‘N DAG IN ELKE MAN SE LEWE OM OP TE STAAN

My pad is een wat altyd gefokus was op God se Wil vir my lewe. Dit was eers toe die uitdagings en groot mislukkings gekom het, dat my karakter en my diepte in God getoets kon word.
Die dag om ‘n keuse te maak of ek my vrou en tweejarige tweeling dogtertjies gaan in die oë moet kyk en se daar is nie kos in die huis nie. Die rede: omdat ek nie oor my eie “issues” kan kom nie. Daar was ‘n dag wat ek die regte keuses moes maak om op te staan vir myself eerste en vir hulle.
Vandag weet ek God se plan is die enigste plan vir ons lewens!

Ek is 27 jaar getroud met my skoolmeisie van matriek. Ons het 3 dogters. Ek is die oudste van 3 broers . Ek leef om mense te help uitkom by hulle pad soos God dit bepaal het. My verhoudinge op alle vlakke van my lewe is gefokus op die vestiging van God se koninkryk op aarde.

Gerhard van der Westhuizen kom lewer Vrydag sy getuienis.  Hy is ook betrokke by ons TGIF mannekonferensie volgende naweek.

#TGIF #DurbanvilleTGIF #TGIFMannekonferensie