16 Okt 2015 – “Miriam”

Eerskomende Vrydag is daar Miriam (skuilnaam) aan die beurt.  So klink haar storie:

 

Miriam is ‘n Suid-Afrikaanse dame wat in verskeie Arabiese lande gewerk het.  In 2013 is sy vir 2 maande in ‘n Moslemland aangehou op valse aanklagte dat sy Christelike literatuur versprei en gedruk het. Dié jaar is sy o.a. deel van ‘n fasiliteringspan van ‘n jaar van gebed vir die betrokke land.  Sy vertel haar storie om mense bewus te maak van hoe almagtig God is en hoe Hy ons gebede gebruik. Weens die sensitiwiteit van haar werk sal die getuienis nie beskikbaar wees op die website nie.

 

Volgende week is Surita Cowley by ons.

    

 

 

 

2 Okt 2015 – Pierre Venter

Eerskomende Vrydag is daar Pierre Venter aan die beurt.  So klink sy getuienis:

Wat ‘n wonderlike gedagte is dit dat ons God van Liefde ‘n padkaart vir my en jou lewe gemaak het. Ek sal nooit weet hoe jou padkaart lyk nie, net soos jy nie weet hoe lyk myne nie. Al wat ek weet, is dat ek my padkaart tot nou toe, vir mense kan vertel en vir hulle wys hoe God in my lewe ingegryp het in baie moeilike, donker tye. Ek was ‘n suksesvolle  besigheidsman, finansieële beplanner, goeie man vir my vrou en goeie pa vir my kinders. Die skatte wat ek op aarde bymekaar gemaak het, het my tot in die diepste donker gat laat beland, selfmoord. My getuienis gaan oor hoe bo-menslike wonderwerke met my gebeur het, hetsy finansieel, in my huwelik, in my besigheid en met my kinders. God het my gered uit daardie donker gat, 1 April 2009 toe ek wou selfmoord pleeg en my voorberei om met die wêreld te deel dat ek is een van Sy kinders waarvoor Hy baie lief is. Ek hoef nooit weer te werk nie, my hande is los, my tyd is los en dan vra ek hoekom? Die antwoord staan in Matt 28:19: “Gaan dan na al die nasies toe en maak die mense my dissipels” – Prys die Here!       

 

 

 

18 Sep 2015 – Gawie Malan

Eerskomende Vrydag is Gawie Malan aan die beurt.  Gaan loer gerus waaroor sy ministry gaan. Dit beloof om ’n besondere oggend te wees.  http://www.jacobswell.co.za/

Jacob’s Well, an interdenominational ministry in South Africa, was initiated in 2003 (after the famous SACLA conference) to support people who find themselves “between jobs” or unemployed.  We often hear of people who cannot find a job, or have been retrenched, or have lost their jobs. So little is done for those people. We as congregations and churches can no longer look the other way. Obviously this is a very intricate problem to try and resolve, as jobs do not grow on trees. Yet, there is hope when sympathetic hands start to get organized. A group of people got inspired and came up with a plan to establish such a network:

Jacob’s Well!

 

 

 

4 Sep 2015 – Akel Abou Nasr van Damascus

Eerskomende Vrydag is Akel Abou Nasr van Damascus aan die beurt. 

 

In sy eie woorde, “I am going to share about my old life and the family, our country. the war in Syria  and how God led me out of there. Also my time here in SA and the way God got me to be involved in ministry. the situation of the refugees and the visions God put on my heart.”

28 Aug 2015 – Warren Elliott

Op Vrydag, 28 Augustus 2015, is Warren Elliott aan die beurt. Hy het onder armoedige omstandighede, in ‘n sinkhuis, by twee ooms van hom in Goodwood grootgeword. Op die ouderdom van 10 het hy begin rook en drink wat ook ‘n kenmerk van sy latere  lewe was.  In matriek (1994) het hy kitaar begin speel, in kroee en restaurante opgetree en daarna ‘n professionele sangloopbaan gevolg.  Ongeveer ‘n jaar gelede het hy ‘n Gospel-album opgeneem en wag nou vir die geskikte tyd om dit vry te stel. Radio Tygerberg saai gereeld van sy Gospel-liedjies uit.

In 2010 het ‘n prostituut in die verbygaan in Voortrekkerweg, Parow, haar ondervoede babaseuntjie in Warren se vrou se arms geplaas. ‘n Ruk later is sy vrou met kanker gediagnoseer en was hulle ook genoodsaak om hulle besigheid te verkoop. Hulle finansies het alhoemeer versleg. In April 2011 het hulle tot bekering gekom, met ‘n kinderbediening begin en die babatjies van prostitute aan huis begin neem.

God voorsien op wonderbaarlike maniere in hulle behoeftes!